Gschicht /... im Dialäkt

Noo dr Fasnacht 2011 hänn sich 7 Schneyz
Gedangge gmacht, ob me s ägscht schafft, e neyi Muusig mit glatte Sieche uff d Bai z stelle . Me het glii dernoo e unverbindligge Hogg iiberuefe und het aifach emool welle driiber diskudiere. Während dämm Hogg isch d Euphorie aber esoo gwaltig gsii, dass uss em unverbindligge Hogg e Grindersitzig woorde isch ! Dr Entschluss isch klar gsi: in erschter Linie muess s Zwischemenschlige stimme und es sell uf jeede Fall e glaine Huffe bliibe!
Mir hänn denne scho gli die erschti Proob in Agriff gnoo, und das inere Glaibasler Firma im zwaite Käller; trotz dass mir e relativ glaine Huffe gsii sinn, hänn mir alles gää ,und d Qintessänz derfoo isch gsii, dass d Mieter vo deere Liegeschaft ihre Färnseh nimme gheert hänn.
Fyr uns het das bediddet , mir mien e neys Proobelokal sueche „Sooooone Saich“ s neye Proobelokal hänn mir denne glii dernoo im „zem letschte Tropfe“, im änere Egge vom Glaibasel, gfunde!
In dere Zyt hänn no 7 neyi Kärlis uss de verschiidenschte Gugge dr Wäg zue uns gfunde, und scho sinn mir vo 7 uff 14 Kärlis gwaggse!
Bi dr Suechi noch em Name sinn e huffe Vorschleeg duure Kopf, aber s Renne het noo viile Diskussioone „Inflagranti“ gmacht. Nomen est omen sait dr Dr. Watson zem Sherlock Holmes.
Ändi Novämber 2011 sinn mir zämme inne Proobeweekend gschtarted, vom Frytig zoobe bis am Sunntig z Midaag hämmer denne innere Skihütte d Inschtromänt zem Gliehe brocht, und z Oobe hämmer ganz „schüüch“ no ai oder zwai Lutz drungge, das alles nadiirlig verruggt in Maasse ! Soodeli, und jetzt fiebere mir Inflagranti-Buebe dr
Fasnacht 2012 entgeege! Mir wärde Charivari laufe und erscht im 2013 unsere Stammm traage.

Luege, loose………?

Mit fasnächtlige Griess
„IINFLAGRANTI“ Basel

 

 

 

 

 

 

 

 

 

 

 Home   nach oben